ବନ୍ଦ କରନ୍ତୁ

ପସନ୍ଦ ସ୍ଥାନ

ଉପକ୍ରମ

ଗଜପତି ଜିଲ୍ଲା ହେଉଛି ବହୁତ ସାଂସ୍କୃତିକ, ଭାଷାଭିତିକ ଏବଂ ବିଭିନ୍ନ ପ୍ରକାର ଜୀବଜନ୍ତୁ ବସବାସ କରୁଥିବା ପର୍ଯ୍ଯଟନ ସ୍ଥଳୀ ଯହର ରକ୍ଷଣା ବେକ୍ଷଣା ଦାୟିତ୍ୱ ଲୋକ ମାନଙ୍କର ଏବଂ ସରକାରଙ୍କ ଦୃଷ୍ଟି ଗୋଚର ହେବା ନିହତି ଆବଶ୍ଯକ । ଜିଲ୍ଲାରେ ଅନେକ ଧର୍ମ ପୀଠ ଏବଂ ପ୍ରାକୃତିକ ସୌନ୍ଦର୍ଯ୍ଯ ଭରା ସ୍ଥାନ ରହିଅଛି ଯାହା ସମଗ୍ର ରାଜ୍ଯରେ ଏକ ସ୍ୱତନ୍ତ୍ର ସ୍ଥାନରେ ପରିଚୟ ସୃଷ୍ଟି କରିପାରିଛି ।

 

ଚନ୍ଦ୍ରଗିରି

ତିବ୍ବେତାନ ମନ୍ଦିର ଚନ୍ଦ୍ରଗିରି

ତିବ୍ବେତାନ ମନ୍ଦିର ଚନ୍ଦ୍ରଗିରି

ବର୍ଣ୍ଣନା

ଚନ୍ଦ୍ରଗିରି ମୋହନା ମଣ୍ଡଳର ଲୋବାରସିଂ ସ୍ଥାନରେ ଅଛି । ଏହା ବ୍ରହ୍ମପୁରରୁ ୮୦ କି.ମି. ଏବଂ ପାରଳାଖେମୁଣ୍ଡି ସହର ଠାରୁ ୮୮ କି.ମି. ଦୂର୍ରେ ଅବସ୍ଥିତ । ଏହି ସ୍ଥାନରେ ଅନେକ ତିବ୍ବତୀୟମାନେ ସେମାନଙ୍କର ଗୃହ ପରିତ୍ଯାଗ କରି ସେଠାରେ ବସବାସ କରନ୍ତି । ଜିରାଙ୍ଗ ସ୍ଥାନଟି ମୋହନା ମଣ୍ଡଳ ଅଧିନରେ ଅବସ୍ଥିତ ଯେଉଁଠାରେ ଦକ୍ଷିଣ ଏସିଆର ବୃହତ୍ତମ ବୁଦ୍ଧ ମନ୍ଦିର ପାଇଁ ଖ୍ଯାତି ଅର୍ଜନ କରିଅଛି । ୨୦୧୦ ମସିହାରେ ସନ୍ଥ ଗୁରୁ ଦଲାଇଲାମା ଏହି ମନ୍ଦିରଟିକୁ ଉଦ୍‍ଘାଟନ କରିଥିଲେ । ଏହାକୁ ମଧ୍ଯ “ମହାବିହାର ସମ୍ରାଜ” ବୋଲି କୁହାଯାଏ । ଏହି ପବିତ୍ର ସ୍ଥାନତଟିକୁ ମଧ୍ଯ “ଶ୍ରୀ ପଦ୍ମପାଦ” ବୋଲି କୁହାଯାଏ । ମନ୍ଦିର ମଧ୍ଯରେ ବୁଦ୍ଧଙ୍କ ଏକ ବୃହତ୍ତ ଧ୍ଯାନାବସ୍ଥାରେ ଥିବ ମୂର୍ତ୍ତୀ ଯାହାଙ୍କ ପାଖରେ ପଦ୍ମପାଦ ଏବଂ ମଞ୍ଜୁଶ୍ରୀ ରହିଅଛି ।

ଗଣ୍ଡାହାତୀ ଜଳପ୍ରପାତ

ଗଣ୍ଡାହାତୀ ଜଳପ୍ରପାତ

ଗଣ୍ଡାହାତୀ ଜଳପ୍ରପାତ

ବର୍ଣ୍ଣନା

ଗଣ୍ଡାହାତୀ ପାରଳାଖେମୁଣ୍ଡି ଜମିଦାରମାନଙ୍କ ଏକ ମୂଖ୍ଯ କର ଆଦାୟ ସ୍ଥଳୀ ଥିଲା ।ଏହି ସ୍ଥାନର ନାମ୍ରୁ ସ୍ପଷ୍ଟ ହୁଏ କି ଏଥାରେ ପୂର୍ବରୁ ଅନେକ ହାତୀ ବସବାସ କରୁଥିଲେ । ଯାହା ବର୍ତ୍ତମାନ ସମୟରେ ବିଲୁପ୍ତପ୍ରାୟ ହେବାକୁ ବସିଲାଣି । ଏହି ସ୍ଥାନଟି ମୁଖ୍ଯତଃ “ସୁନ୍ଦର ଜଳପ୍ରପାତ” ପାଇଁ ଖ୍ଯାତି ଅର୍ଜନ କରିଅଛି । ଗଜପତି ଜିଲ୍ଲରେ ଥିବ ଅଳ୍ପ କିଛି ଜଳପ୍ରପାତ ମଧ୍ଯରୁ ଏହ ଏକ ମୁଖ୍ଯ ଏବଂ ଆକର୍ଷଣୀୟ ଜଳପ୍ରପାତ ଅଟେ । ଏହି ଜଳପ୍ରପାତଟି ୧୨୧୨.୪୦ ହେକ୍ଟର ଜାଗା ବିଶିଷ୍ଟ ଯାହାର ଉଚ୍ଚତା ୨୦ ମି. ଅଟେ । ଏହ ଜିଲ୍ଲାର ମୁଖ୍ଯାଞ୍ଚଳରୁ ୨୭ କି.ମି. ଦୂର ଅଟେ ।

 

ମାଙ୍କଡଡିଆଁ ଜଳପ୍ରପାତ

ମାଙ୍କଡଡିଆଁ ଜଳପ୍ରପାତ

ବର୍ଣ୍ଣନା

ଏହା ମଧ୍ଯ ଗଜପତି ଜିଲ୍ଲାର ଅନ୍ଯ ଏକ ଜଳପ୍ରପାତ ସ୍ଥଳି । ଏହା ଆର. ଉଦୟଗିରି ମଣ୍ଡଳ ମଧ୍ଯରେ ଥିବା ଶିଆଳିଲାଟି ସ୍ଥାନରେ ଅବସ୍ଥିତ । ଏହା ଜିଲ୍ଲାର ମୁଖ୍ଯ କାର୍ଯ୍ଯାଳୟ ପାରଳାଖେମୁଣ୍ଡିରୁ ୮୦ କି.ମି. ଏବଂ ଆର. ଉଦୟଗିରି ମଣ୍ଡଳ ଠାରୁ ୨୨ କି.ମି. ଅଟେ । ଏହି ସ୍ଥାନରେ ନିରବତା ସମସ୍ତଙ୍କୁ ଆକୃଷ୍ଟ କରିଥାଏ । ଲୋକମାନେ ଦୂରଦୂରାନ୍ତରୁ ଏହି ସ୍ଥାନକୁ ଉପଯୋଗ କରିବା ପାଇଁ ଆସନ୍ତି ।

ବୃନ୍ଦାବନ ରାଜପ୍ରାସାଦ

ବୃନ୍ଦାବନ ରାଜପ୍ରାସାଦ ପାରଳାଖେମୁଣ୍ଡି

ବର୍ଣ୍ଣନା

ବୃନ୍ଦାବନ ରାଜପ୍ରାସାଦ ହେଉଛି କେବଳ ଗଜପତି ଜିଲ୍ଲାର ନୁହେଁ ସମଗ୍ର ଓଡ଼ିଶା ଈତିହାସରଏକ ପ୍ରମୁଖ ସ୍ଥାନ । ଏହ ପୂର୍ବତ୍ତନ ମହାରାଜା ପାରଳାଖେମୁଣ୍ଡିଙ୍କ ଗ୍ରୀଷ୍ମକାଳୀନ ବାସଗୃହ ଅଟେ । ଏହା ମହେନ୍ଦ୍ରତନୟା ନଦୀ କୂଳରେ ଅବସ୍ଥିତ । ଏହା ଶାଳ ବୃକ୍ଷ ଦ୍ୱାରା ଆବଦ୍ଧ ହୋଇ ରହିଥିବା ସ୍ଥାନ । ବୃନ୍ଦାବନ ରାଜଗୃହ ୩ ଗୋଟି ମହଲା ବିଶିଷ୍ଟ ଗୃହ ଯେଉଁଥିରେ ଏକ ଗୃହ ମାଟିତଳେ ଅବସ୍ଥିତ ଅଟେ । ଏହି ଗୃହଟି ରାଜାଙ୍କର ମୁଖ୍ଯ ଦରବାର ସହିତ ସଂଯୋଗ ହୋଇଅଛି । ଏହି ରାଜଗୃହ ଅତି ଉଚ୍ଚକୋଟୀର କାରୁକାର୍ଯ୍ଯର ପରିଚୟ ଦେଇଥାଏ । ରାଜପ୍ରାସାଦକୁ ଲାଗି ଏକ ସୁନ୍ଦର ବଗିଚା ଅଛି ଯେଉଁଥିରେ ରାଜା ଅବସର ସମୟରେ ଭ୍ରମଣ କରନ୍ତି ।

ମହେନ୍ଦ୍ରଗିରୀ

ମହେନ୍ଦ୍ରଗିରି ପର୍ବତ

ବର୍ଣ୍ଣନା

ଆନ୍ଧ୍ର ଏବଂ ଓଡ଼ିଶା ସୀମାନ୍ତରେ ଥିବା ଦୋଷିମାଳୀ ପଥ ଉପରେ ମହେନ୍ଦ୍ରଗିରି ଅବସ୍ଥିତ । ଏହା ଓଡ଼ିଶାର ଗଞ୍ଜାମ ଓ ଗଜପତି ଜିଲ୍ଲାର ତ୍ରିଶିମାଳୀ ଓ ଆନ୍ଧ୍ରର ଶ୍ରୀକାକୁଲମ୍‍ ସ୍ଥାନରେ ଅବସ୍ଥିତ । ରାଜ୍ଯରେ ଥିବା ତିନିଗୋଟି ପର୍ବତ ଶୃଙ୍ଗ ମଧ୍ଯରୁ ଦ୍ୱିତୀୟ ସ୍ଥାନ ୪୮୨୩ ଫୁଟ ଉଚ୍ଚତା ବିଶିଷ୍ଟ । ଅନ୍ଯ ଦୁଇଟି ମଧ୍ଯରୁ ଶଂହରାଜ ପ୍ରଥମ ସ୍ଥାନ ୪୮୭୨ ଫୁଟ ଏବଂ ଦେବଗିରୀ ୪୫୩୪ ଫୁଟ ସହିତ ତୃତୀୟ ସ୍ଥାନରେ ରହିଅଛି । ବ୍ରହ୍ମପୁର ଠାରୁ ଦକ୍ଷିଣ-ପଶ୍ଚିମରେ ୫୧ କି.ମି. ଏବଂ ସମୁଦ୍ର କୂଳରୁ ୨୦ କି.ମି. ଦୂରତାରେ ଅବସ୍ଥିତ । ଏହ ବ୍ରହ୍ମପୁର ଠାରୁ ଅସିଲେ ଟୁମ୍ବାଠାରେ, ପାରଳାଖେମୁଣ୍ଡି ଠାରୁ ଅସିଲେ ଜଙ୍ଗଲପାଡୁ ଠାରେ ବାଟରେ ପଡିଥାଏ । ମହେନ୍ଦ୍ରଗିରି ପର୍ବତ ମୁଖ୍ଯତଃ ପୌରାଣିକ, ଧାର୍ମିକ ଏବଂ ପର୍ଯ୍ଯଟନ ଦୃଷ୍ଟି କୋଣରୁ ଏକ ସ୍ମରଣୀୟ ସ୍ଥଳୀ ଅଟେ ।

ଜିଲ୍ଲା ପର୍ଯ୍ୟଟନ କାର୍ଯ୍ୟାଳୟ, ଗଜପତି

  1. ଶ୍ରୀ ଅମିୟ କୁମାର ସେଠୀ, ଓ ପ ସେ, ଜିଲ୍ଲା ପର୍ଯ୍ୟଟନ ଅଧିକାରୀ, ଦୂରାଭାଷ: ୯୭୭୮୦୩୧୪୧୨